Dalla predialisi al trapianto di rene, intervento su un paziente

Primo caso in provincia di un soggetto operato prima di entrare in dialisi, grazie a un percorso terapeutico che rallenta il decorso della malattia

ORISTANO, 28 AGOSTO 2014 – Dalla terapia farmacologica e nutrizionale al trapianto di rene, senza passare per la dialisi, una metodica piuttosto invasiva utilizzata in caso di grave insufficienza renale. E' accaduto, primo caso nella nostra provincia, a un paziente seguito dall'Unità Operativa di Nefrologia e Dialisi dell'ospedale “San Martino” di Oristano, che nel luglio scorso è stato sottoposto con successo a un intervento di impianto renale al Brotzu di Cagliari.

«Diversamente dalla quasi totalità dei casi – spiega il dottor Antonio Pinna, direttore della struttura complessa di Nefrologia e Dialisi della Asl 5 – la persona da noi seguita è arrivata al trapianto senza essersi mai sottoposta a una seduta dialitica, quando cioè le sue condizioni fisiche erano più favorevoli al buon esito dell'intervento». Ciò è stato possibile, oltre che naturalmente grazie alla compatibilità con il profilo del donatore, anche e soprattutto per merito della presenza al San Martino dell'ambulatorio predialisi, una struttura-ponte che prende in carico i soggetti che soffrono di un'insufficienza renale cronica grave e, attraverso un percorso terapeutico farmacologico e nutrizionale e un'educazione a stili di vita corretti, rallenta la progressione della malattia, facendoli entrare il più tardi possibile in dialisi o permettendo loro di sottoporsi direttamente all'impianto dell'organo. «Quando la funzionalità renale dei pazienti in predialisi scende sotto la soglia del 15 per cento – precisa il Direttore dell'Unità di Nefrologia – li inseriamo in lista d'attesa per il trapianto, per renderli già disponibili in caso di compatibilità». Questo è ciò che è accaduto all'uomo recentemente trapiantato.

Attivo a Oristano dall'aprile 2012, l'ambulatorio predialisi ha oggi in carico 70 pazienti, un numero quasi pari a quello dei 76 già entrati in dialisi. Di questi ultimi, dieci sono quelli che hanno optato per la dialisi peritoneale, una metodica che può essere effettuata a casa dallo stesso paziente o da un suo assistente, risparmiando loro le periodiche sedute in ospedale.

«Il nostro obiettivo è quello di migliorare la qualità della vita del paziente – chiarisce il dottor Pinna - L'ambulatorio predialisi prima e la dialisi peritoneale poi rendono meno invasivo l'intervento terapeutico, puntando prima sulla prevenzione, poi su una procedura che può essere praticata a domicilio dallo stesso soggetto malato.

«Ai benefici per il singolo – aggiunge il primario della Nefrologia – si sommano quelli per la comunità, in quanto rallentare il decorso della patologia o permettere al paziente di curarsi in casa consentono dei notevoli risparmi di risorse: un soggetto in predialisi comporta una spesa di 12.000 euro l'anno, in dialisi peritoneale ne richiede 30.000, in emodialisi ne costa 50.000. Sia in termini sanitari che economici, quindi, la strada più opportuna da perseguire è quella della prevenzione e della domiciliarizzazione delle cure». Una strada che, anche grazie all'ampliamento del ventaglio dell'offerta, ha permesso all'Unità di Nefrologia della Asl 5 di Oristano di passare dai 42 pazienti dell'inizio 2012 ai circa 80 di oggi e di ridurre la migrazione verso altre strutture dell'Isola, «Dobbiamo questo risultato all'impegno di tutto il personale medico e infermieristico della struttura» conclude il dottor Pinna.


-----


Dae sa prediàlisi a su trapiantu de rene, interventu a unu malàidu aristanesu

Primu casu in provìntzia de unu sugetu operadu prima de incumintzare sa diàlisi, gràtzias a unu percursu terapèuticu chi rallentat s'andamentu de sa maladia.

ARISTANIS, 28 DE AUSTU 2014 – Dae sa terapia farmacològica e nutritzionale a su trapiantu de rene, sentza fàghere sa diàlisi, una metòdica invasiva impreada meda cando b'at un'insufitzièntzia renale grave. Est capitadu, pro sa prima borta in sa provìntzia nostra, a unu malàidu sighidu dae s'Unidade Operativa de Nefrologia e Diàlisi de s'ispidale “San Martino” de Aristanis, chi – in su mese de argiolas coladu, cun resurtadu bonu – in s'ispidale Brotzu de Casteddu dd'ant fatu un'interventu de impiantu renale.

«A manera diferente dae casi totu sos àteros casos – ispiegat dotor Antonio Pinna, diretore de s'istrutura cumplessa de Nefrologia e Diàlisi de sa Asl 5 – sa persone sighida dae nois est arribada a su trapiantu sentza àere fatu mai diàlisi, cheret nàrrere cando sas cunditziones fìsicas fiant prus a favore de unu resurtadu bonu de s'interventu». Custu est istadu possìbile, gràtzias a sa cumpatibilidade cun su profilu de su donadore ma fintzas e prus che totu gràtzias a sa presèntzia in s'ispidale San Martino de s'ambulatòriu prediàlisi, un'istrutura-ponte chi leat in càrrigu sos sugetos chi sufrint de un'insufitzièntzia renale crònica mala meda e, pro mèdiu de unu percursu terapèuticu farmacològicu e nutritzionale e de un'educatzione a favore de sos tràgios de vida giustos, chi rallentant su crèschere de sa maladia, faghende intrare sos malàidos in diàlisi cantu prus a tardu si podet o permitende·ddis de fàghere luego s'impiantu de s'òrganu. «Cando sa funtzionalidade renale de sos patzientes in prediàlisi calat a suta de su lìmite de su 15 pro chentu – pretzisat su Diretore de s'Unidade de Nefrologia – ddos ponimus in lista de atesa pro su trapiantu, pro èssere giai a disponimentu in casu de cumpatibilidade». Custu est su chi est capitadu a s'òmine trapiantadu pagu tempus a como.

Ativu in Aristanis dae su mese de abrile 2012, s'ambulatòriu prediàlisi oe tenet in càrrigu 70 malàidos, casi su matessi nùmeru de sos 76 giai intrados in diàlisi. Deghe de custos 76 ant seberadu sa diàlisi peritoneale, una metòdica chi su malàidu podet fàghere in domo, issu etotu o cun un'assistente suo, evitende sa terapia periòdica in s'ispidale.

«Sa punna nostra est de megiorare sa calidade de sa vida de su malàidu – ponet in craru dotor Pinna. S'ambulatòriu prediàlisi prima e sa diàlisi peritoneale a pustis serbint pro chi s'interventu terapèuticu siat prus pagu invasivu, mirende prima a sa preventzione, a pustis a una protzedura chi si podet praticare in domo dae su matessi malàidu».

«A sos benefìtzios pro ogni malàidu – sighit su primàriu de sa Nefrologia – si agiunghent cussos pro sa comunidade, ca rallentare su decursu de sa patologia o permìtere a su malàidu de si curare in domo cunsentint rispàrmios de importu in sas risursas: pro unu sugetu in prediàlisi s'ispesa est de 12.000 èuros a s'annu, in diàlisi peritoneale s'ispesa est 30.000, in emodiàlisi 50.000. Siat in tèrmines sanitàrios chi econòmicos, duncas, sa carrera prus oportuna de persighire est cussa de sa preventzione e de sa domitziliarizatzione de sas curas». Una carrera chi, fintzas gràtzias a s'ismanniada de su nùmeru de sas ofertas, at permìtidu a s'Unidade de Nefrologia de sa Asl 5 de Aristanis de passare dae 42 patzientes de s'incomintzu de su 2012 a prus o mancu 80 de oe e de reduire sa migratzione a àteras istruturas de s'ìsola, «Custu est su risultadu de s'impignu de totu su personale mèdicu e infermierìsticu de s'istrutura» acabbat dotor Pinna.